काठमाडौंः अन्तर्राष्ट्रिय उड्डयन नियमन संस्था (आइकाओ)ले चार बर्ष अघि नेपालमाथि लगाएको हवाई सुरक्षा चासोलाई बल्ल हटाएको छ। नेपालको लामो पहल र आग्रहपछि आइकाओको सम्वद्ध समितिको बिहीबार बसेको बैठकले नेपाललाई कालो सूचीबाट हटाउने निर्णय भएको नेपाल नागरिक उडड्यन प्राधिकरणले जनाएको छ ।
आइकाओको दुई सदस्यीय अडिटर टोली गएको जुलाइमा नेपाल आएको र उक्त टोलीको अडिटपछि नेपाललाई कालोसूचीबाट हटाइएको हो । टोलीले नेपालको उडान सुरक्षा सुपरीवेक्षणको प्रभावकारीताका सम्बन्धमा दुई अन्तर्राष्ट्रिय वायु सेवा कम्पनीहरु नेपाल वायुसेवा र हिमालय एअरलायन्समा समेत निरीक्षण गरेका थियो।
त्यसपश्चात नेपालको अन्तर्राष्ट्रिय उड्डयन मापदण्ड तथा सिफारिसको पालना दर आइकाओले निर्धारण गरेको औषत ६० प्रतिशत भन्दा बढी हुन गई ६६.०८ प्रतिशत रहेको
प्राधिकरणले जनाएको छ । यस निर्णयबाट नेपालको राष्ट्रिय ध्वजाबहाक नेपाल वायुसेवा निगम र निजी हवाई सेवा हिमालय एयरलाइन्सलाई एसियाबाहेक अमेरिका, युरोप र अष्ट्रेलियासम्मका गन्तब्यहरुमा उडान भर्न सहज भएको छ ।
