मेगा बैंकको नयाँ शाखा खलङ्गामा, साना किसान लाभान्वित हुने

mega_bank_khalanga

सल्यानः यूकेएड सक्षम एक्सेस टु फाइनान्स कार्यक्रमको साझेदारीमा मेगा बैंकले खलङ्गामा नयाँ शाखा खोलेको छ । बैंक सञ्चालक समितिका सदस्य सीएन पाण्डे र सक्षमका टोली उप–प्रमुख निर्मल दाहालले बुधबार शाखाको उद्घाटन गरे ।

यससहित मेगा बैंकको शाखा ४८ पुगेको छ । खलङ्गामा शाखा खोल्ने मेगा बैंक दोस्रो निजी वाणिज्य बैंक हो । खलङ्गामा सानो बजार रहेको छ, जसले यहाँ स्थापना भएका धेरै सरकारी तथा निजी कार्यालयहरूको आवश्यकताहरू परिपूर्ति गर्दै आएको छ ।

nic-asia

त्यसैगरी, यस क्षेत्रमा साना तथा मझौला आकारका उद्योगहरूको संख्या पनि वृद्धि हुँदै गइरहेको भन्दै मेगा बैंकले जसले गर्दा स्थानीयलाई सेवा प्रदान गर्नेगरी औपचारिक बैंकिङ सेवाको थालनी गर्न आवश्यक भइरहेको थियो भनेको छ । बैंकले यस क्षेत्रमा गत जेठ १६ मा आंशिक सेवाको प्रारम्भ गरेयता ४५० भन्दा बढी खाता खोल्न सफल भइसकेको जनाएको छ ।

सक्षम–मेगा बैंक साझेदारी सन् २०१५ मा शुरु भएको हो । यस साझेदारीका लक्ष्य चार वटा नयाँ शाखा र ३० वटा नयाँ शाखारहित बैंकिङ सेवा विन्दुहरूको स्थापना गर्ने, ‘ट्याब बैंकिङ’को अवधारणा ल्याएर अछाम, दार्चुला, डडेल्धुरा, दाङ, कैलाली तथा सल्यान गरी छ जिल्लामा रियल टाइम मोबाइल वित्तीय सेवाहरू प्रदान गर्ने रहेका छन् ।