काठमाडौंः एमाले नेता रामेश्वर फुयाँलले सरकारले संविधान अनुसार निर्वाचन गर्नको लागि आवश्यक काम गर्न भित्रीरुपमै इच्छा नदेखाएको आरोप लगाएका छन् ।
रिपोर्टर्स क्लवमा शनिबार उनले भने, ‘निर्वाचन दुई चरणमा पनि हुन सक्दैन्, सरकारको काम गराई हेर्दा निर्वाचन समयमै नगर्ने छाँट देखियो ।’ नेता फुयाँलले प्रदेश नम्बर २ मा आफ्नो पार्टी नै पहिलो हुने दाबी गरे ।
उनले भने, ‘मुद्दाका हिसावले पनि मधेश र मधेशी जनताका लागि एमालेले जायज मुद्दाहरु बोकेको छ, त्यसैले एमाले पहिलो पार्टी बन्छ, जनताले बनाएर पठाउँछन् ।’ फुँयालले दशैंपछि एमालेको नेतृत्वमा सरकार बन्ने प्रभव संभावना रहेको दावी गरे ।
उनले थपे, ‘स्वभाविक रुपमा अब सरकारको नेतृत्व एमालेले नै गर्ने हो, यो सरकार विघटन भएपछि एमालेकै नेतृत्वमा सरकार बन्ने हो, एमाले उपाध्यक्ष वामदेव गौतम अबको प्रधानमन्त्री बन्नुहुन्छ ।’
