काठमाडौंः जनता बैंकले आफ्ना तत्कालिन सञ्चालक गुरु न्यौपानेबाट जफत गरेको ८५ हजार एक कित्ता शेयर लिलाम बिक्री गर्ने भएको छ ।
न्यौपानेले आफू जनता बैंकको सञ्चालक छँदा आफ्नी श्रीमतीको नाममा दोस्रो बजारबाट शेयर खरिद गरेको पाएपछि जफत गर्न नेपाल राष्ट्र बैंकले निर्देशन दिएको थियो । श्रीमती सुमित्राको नाममा न्यौपानेले किनेको ५२ हजार ४७० कित्ता र त्यसमा हकप्रद र बोनस थप भएको समेत गरी कुल ८५ हजार एक कित्ता शेयर बैंकले जफत गरी लिलामीमा बिक्री गर्न लागेको हो ।
बैंकले उक्त शेयर खरिद गर्न कार्तिक १५ देखि २१ गतेसम्मको समय तोकेको छ । सय रुपियाँ मूल्य अंकित उक्त सेयरको बिक्री प्रवन्ध काठमाडौं क्यापिटल मार्केटले गरिरहेको छ ।
