काठमाडौंः नारायणथानस्थित चपली हाइटमा भएको बम बिस्फोटमा परी घाइते भएका नेपाली कांग्रेसका नेता तथा पुर्व स्वास्थ्य मन्त्री गगन कुमार थापा त्रिवि शिक्षण अस्पताल, महाराजगंजबाट डिस्चार्ज भएका छन् ।
यसघि, उनीसहित ११ जना उक्त घटनामा घाइते भएका थिए । थापा काठमाडौं-४ का कांग्रेस उम्मेदवार हुन् । चार जना बाहेक अन्य घाइतेहरु भने उपचार पछि डिस्चार्ज भएका छन्, अस्पतालका डा प्रताप नारयण प्रसादले जानकारी दिएका छन् ।
बिस्फोटमा थापासहित श्यामकृष्ण श्रेष्ठ, जयराज लामिछाने, राजकाजी श्रेष्ठ, रेणु भरुवाल रहेका छन् । यस्तै सामान्य घाइतेमा ध्रुव खड्का, पूर्णबहादुर श्रेष्ठ, सुमन खड्का, रविन्द्र कार्की, काशिलाला श्रेष्ठ, पर्शुराम थापा रहेका छन् ।
घटना पश्चात अस्पतालमा उनलाई भेट्न आफ्ना ससुरा अर्जुन नरसिंह केसी, श्रीमती, तथा सुरक्षा अवस्था बुझ्न नेपाल प्रहरीका आयुक्त जय बहादुर चन्द लगायत सयौं समर्थक अस्पताल परिसरमा जम्मा भएका थिए ।