विश्वकै ठूलो ‘कन्जुमर इलेक्ट्रोनिक शो’मा एलजीको ‘रोलिङ टिभी’ आकर्षण

lg-roalable-tv

एजेन्सीः अमेरिकाको लस भेगासमा जारी विश्वकै ठूलो उपभोग्य विद्युतीय सामग्रीहरुको प्रदर्शनी ‘कन्जुमर इलेक्ट्रोनिक्स शो (सीइएस)’मा एलजीको ६५ इन्चको पट्याउन मिल्ने (रोलिङ) ओएलइडी टिभी आकर्षण बनेको छ ।

भोलि शुक्रबारसम्म चल्ने चार दिने लस भेगास टेक शोमा एक कुनादेखि अर्को कुनासम्म राखिएको एलजीको यो टिभी विश्वकै पहिलो रोलिङ टिभी हो । पहिलो पटक प्रदर्शनीमा राखिएको नयाँ र फरक खालको टिभी भएकाले अवलोकनकर्ताको ध्यानाकृष्ट भएको हो ।

united_cement

विश्वमा नाम चलेका विभिन्न ब्राण्डका इलेक्ट्रोनिक्स ब्राण्डहरुले आफ्ना आधुनिक उत्पादनहरुलाई प्रदर्शन गरिरहेको लस भेगास टेक शो को एक कुनादेखि अर्को कुनासम्म एलजीको रोलिङ टिभीहरु प्रदर्शनका लागि राखिएका छन् ।

फोके प्रविधिमा आधारित स्क्रिनको यस टेलिभिजन रोलअप नहुँदा उच्चस्तरको रेजोलुशनमा हेर्न र आनन्द लिन सकिन्छ । यस खालको स्क्रिन तत्काल बजारमा नदेखिए पनि अबको एक हप्ताभित्र यो खालको प्रविधिमा आधारित टिभी ल्याउने एलजीले प्रतिवद्धता जनाएको छ ।

lg-roalable-tvयसबाहेक, एलजीले टिभी प्रविधिको सीमालाई सन् २०१८ मा अझ परिस्कृत गर्दै ‘वान ह्याण्डी गाइड’मा आधारित टिभी स्क्रिनहरु बजारमा ल्याउने तयारीमा रहेको जनाएको छ । ओएलइडीदेखि एफएचडी प्रविधिका टिभीलाई वर्गीकृत गर्दै एलजीले यो बर्ष ग्राहकहरुको आशाअनुसारका टिभीहरु बजारमा ल्याउने बताएको छ ।

अब ल्याइने यस्ता टिभीहरुको अर्को महत्वपूर्ण विशेषता भनेको गुगल एसिस्टेन्ट र एमाजोन एलेक्सा सर्पोटमैत्री प्रविधिमा आधारित हुनेछन् । साथै, उपभोक्ताको बैठक कक्षको अवस्थाअनुसार ध्वनी अनुकुलित (भ्वाइस कन्ट्रोल स्मार्ट) हुने एलजीले स्पष्ट पारेको छ ।

एलजीको अर्को महत्वपूर्ण घोषणा भनेको एटके प्रविधिमा आधारित ८८ इच्चको ओएलइडी टिभी बजारमा ल्याउने तयारी पनि हो । योजनामा नभए पनि लस भेगास शो मा भने एलजीले यस टिभीलाई समेत प्रदर्शनीमा राखेको छ ।

ठूलो आकारका कारण यो रेडर्क ब्रेकिङ मात्रै नभएर यति सात हजार ६८० इन्टु चार हजार ३२० फिक्सेल रेजोलुशनको स्क्रिनका दृश्य हेर्नेको आँखामा छुट्टै आनन्दको महशुस मिल्नेछ ।

लस भेगास शो मा एलजीले प्रदर्शनमा राखेको अर्को टिभी हो सिग्नेचर सिरिजको एलजी ओएलइडी डब्ल्यु८ हो । यो टिभीमा यसअघिको उत्कृष्ट ओएलइडी डब्ल्यु७ को विशेषतामा भन्दा खासै परिवर्तन नभए पनि यसको स्क्रिन स्पष्ट रंगिन र चार प्रकारका एचडीआरयुक्त रहेको छ । साथै, यो टिभी गुगल एसिस्टेन्टमार्फत निर्देशित हुन्छ ।

लस भेगास कन्भेन्सन सेन्टरमा जारी विद्युतीय सामग्रीहरुको वृहत प्रदर्शनीमा रोलिङ टिभीदेखि नयाँ डिजाइनका स्मार्टफोन, अल्ट्रा थिन ल्यावटपले अवलोकनकर्ताको ध्यान खिचेको छ । मानिसहरुको खचाखच भीड देखिने प्रदर्शनीस्थलमा उत्कृष्ट उत्पादनहरुलाई पुरस्कृतसमेत गरिन्छ ।

lg-roalable-tv