नयाँ दिल्ली: भारतको सर्वोच्च अदालतका चार जना न्यायाधीशसले अदालतको प्रशासनले सही ढंगले काम नगरेको आरोप लगाएका छन् ।
शुक्रबार पत्रकार सम्मेलन गर्दै न्यायालयलाई संरक्षण नगरे देशको प्रजातन्त्र नै धरापमा पर्ने बताएका हुन् ।
पत्रकार सम्मेलनले सर्वोच्चका प्रधानन्यायाधीश दीपक मिश्रा र न्यायाधीशहरुबीच बढ्दो दुरीलाई उजागर गरेको छ ।
पत्रकार सम्मेलनमा वरियतामा दोस्रो स्थानमा रहेका जे चेलामेश्वर, कुरियान जोसेफ, रन्जन गोगोई र मदन लोकुर रहेका थिए । चेलामेश्वरको निवासमा पत्रकार सम्मेलन आयोजना गरिएको थियो ।
यसरी न्यायाधीशहरुले मिडिया अगाडि संयुक्त पत्रकार सम्मेलन गरेको यो पहिलो घटना हो ।
पत्रकार सम्मेलनमा उनीहरुले देशको कानूनको इतिहासमा यो सबैभन्दा ठूलो दिन भएको बताए । सर्वोच्च अदालतको प्रशासनले राम्रोसँग काम नगरिरहेको उनीहरुको अरोप थियो । उनीहरुले कसैले आफ्नो आत्मा बेच्न नलगाओस् भनेर पत्रकार सम्मेलनको आयोजना गरेको प्रष्ट पारे ।
उनीहरुले भने, ‘हामीलाई लाग्थ्यो हामी देशप्रति जवाफदेही छौँ र हामीलाई प्रधानन्यायाधीसलाई सम्झाउने कोशिस पनि गर्यौँ तर हाम्रो कोशिस असफल रह्यौ । यदी न्यायालयलाई बचाएनौँ भने लोकतन्त्र समाप्त हुनेछ ।’
न्यायाधीसहरुले अब देशले प्रधानन्यायाधीशमाथि महाअभियोग लगाउने वा नलगाउने बारे निर्णय गर्नु पर्ने बताए ।
उनीहरुले प्रधानन्यायाधीशलाई पठाएको सात पृष्ठको पत्र पनि सार्वजनिक गरेका छन् ।
