काठमाडौंः वोमी माइक्रोफाइनान्स वित्तीय संस्थाले १०ः३ अनुपातमा दुई लाख ३३ हजार २८० कित्ता हकप्रद सेयर निष्कासनका लागि नेपाल धितोपत्र बोर्डसँग अनुमती मागेको छ । संस्थाले ३० प्रतिशत हकप्रद सेयर बिक्रीका लागि बोर्डसँग अनुमती मागेको हो ।
कम्पनीको हकप्रद बिक्री प्रबन्धकमा सिद्धार्थ क्यापिटल रहेको छ । संस्थाले २० प्रतिशत बोनस सेयर दिएपछि कायम भएको चुक्ता पूँजीबाट ३० प्रतिशत हकप्रद सेयर जारी गर्न लागेको हो । २० प्रतिशत बोनस सेयरपछि कम्पनीको चुक्ता पूँजी सात करोड ७७ लाख ६० हजार रुपियाँ पुगेको छ ।
हकप्रद सेयर बिक्रीपछि कम्पनीको चुक्ता पूँजी १० करोड १० ८८ हजार रुपियाँ पुग्ने छ । संस्थाले चालु आवको पहिलो त्रैमासमा ७३ लाख १७ हजार रुपियाँ खुद नाफा कमाएको थियो ।
