लोकन्थलीमा फरक विशेषताको ‘कखरा प्रिस्कुल’ सुरु, अभिभावकले मोवाइलबाट प्रत्यक्ष रेखदेख गर्नसक्ने

kakhara1

भक्तपुरः लोकन्थलीको मनहरा टाउन प्लानिङमा फरक विशेषतासहितको मन्टेश्वरी विद्यालय ‘कखरा प्रिस्कुल’ सञ्चालनमा आएको छ । सरस्वती पुजाको दिन पारेर सोमबार यस स्कुलको औपचारिक सुरुवात गरिएको हो ।

बालबालिकाको लागि आवश्यक भौतिक र शैक्षिक बाताबरणमा अध्ययन र हेरचारको व्यवस्था प्रदान गरिने कखरा प्रिस्कुलका कक्षा कोठाहरुदेखि खेल्ने ठाउँ, खानपिनको व्यवस्था र हेरचार अन्तर्राष्ट्रिय मापदण्डको स्तरीय रहेको स्कुलका निर्देशक उमानाथ निरौलाको भनाई छ ।

united_cement

उनका अनुसार चिकित्सकहरुले सिफारिस गरेअनुसार खानाको परिकारहरुको निर्माण, बालबालिकालाई खानपिनको व्यवस्था, साना सानीहरुलाई शुद्ध तोरिको तेल लगाएर मसाज गरिदिनेदेखि भिटामिन डीको अभाव हुन नदिन घाममा राखेर खेलाउनेसँगै पढाउने व्यवस्था मिलाइएको छ ।

राजधानीमा धेरै मन्टेश्वरी विद्यालयहरु खुले पनि ती बालमैत्री नरहेको र बालबालिकालाई दिनभरी एउटै चिसो कोठामा राख्ने, उनीहरुको आवश्यकता र मनोभावनाअनुसार हेरचार नहुने गरेको देखिएको भन्दै निरौलाले विदेशी नामका मन्टेश्वरीको फ्रान्चाइजको रुपमा कतिपय मन्टेश्वरीहरु खुले पनि त्यो मापदण्डअनुसार काम नहुने गरेको उदाहरण दिइन ।

स्कुलकी प्रिन्सिपल निशा घिमिरेले कखरा प्रिस्कुल विज्ञ एवं अनुभवी मानिसहरुको सल्लाहमा बालमैत्री बाताबरणमा पढाउने र हेरचार गर्ने उद्देश्यसहित सुरु गरिएको भन्दै लामो अनुभव हासिल गरेका शिक्षक शिक्षिकाहरुमार्फत उत्कृष्ट शैक्षिक बाताबरणमा स्कुल सञ्चालन गरि यसलाई नमुना स्कुल बनाउन आफूहरुको उद्देश्य रहेको बताइन ।

कखरा प्रिस्कुलले छुट्टै मोवाइल एप्ससमेत निर्माण गरेकाले त्यसमार्फत आफ्ना नानी बाबुहरु स्कुलमा के अवस्था अवस्थामा अध्ययन गरिरहेका छन् भन्ने कुरा अभिभावकहरुले जुनसुकै ठाउँबाट प्रत्यक्ष अवलोकनसमेत गर्नसक्छन् । उनीहरुलाई घरसम्म ल्याउने र पुर्याउन सवारी साधनको समेत व्यवस्था रहेको जानकारी दिँदै निशा घिमिरेले चाँडै नै भक्तपुर क्षेत्रमा नमुना मन्टेश्वरी स्कुलको रुपमा स्थापित हुनसक्ने बताइन ।

कखरा शुभारम्भका अवसरमा सातदिनसम्म आकर्षक छुटको व्यवस्था गरेकोले आज थप २६ नयाँ अभिभावकले आफ्ना नानीहरु भर्ना गरेको स्कुल सञ्चालक निरौलाले जानकारी दिए ।

kakhara