काठमाडौंः नेपाल राष्ट्र बैंकले तोकेको आठ अर्ब व्रुपियाँ चुक्ता पूँजी पुर्याउनको लागि एनएमबी बैंकले थप सार्वजनिक निष्कासन (एफपीओ) को सहारा लिने भएको छ । एनएमबीले एक करोड १४ लाख कित्ता थप सार्वजनिक निष्कासन (एफपीओ) बिक्री गर्न लागेको हो ।
नेपाल राष्ट्र बैकले चालू आर्थिक वर्षको मौद्रिक नीतिमा चुक्ता पूँजी आठ अर्ब पुर्याउन थप छ महिनाको समयसीमा दिएको छ । बैंकले उक्त परिणामको एफपीओ बिक्रीका लागि नेपाल धितोपत्र बोर्डमा आवेदन दिएको छ ।
तर निष्कासनका लागि अनुमति भने पाइसकेको छैन । शेयर निष्कासन तथा बिक्री प्रबन्धकमा नागरिक लगानी कोष रहेको छ ।
