काठमाडौँ: प्रदेश नं. ३ को पहिलो प्रदेशसभा बैठक मकवानपुरको हेटौडामा विहिबार दिउँसो १ बजे बस्दैछ।
बैठकका लागि आवश्यक सबै तयारी पूरा भएको प्रदेशसभा सचिवालयले जनाएको छ।
पहिलो बैठकमा सात दलका एक/एकजना र स्वतन्त्र एक सदस्यलाई बोल्न दिइने सचिवालयका सचिव रोजनाथ पाण्डेले बताए।
त्यहाँको प्रदेश सभामा १ सय १० जना सदस्य छन्।
सभामुख निर्वाचित नहुञ्जेल सबैभन्दा ज्येष्ठ सदस्यले सभाको अध्यक्षता गर्नुपर्ने व्यवस्था छ।
जसअनुसार नेकपा एमालेका ७२ वर्षीय सदस्य डोरमणि पौडेलले बैठकको अध्यक्षता गर्ने सचिवालयले जनाएको छ।