काठमाडौँ: सरकारले प्रदेशहरूका लागि ३ अर्ब २९ करोड रुपियाँ बजेट निकासा गरेको छ ।
४७ करोड रुपियाँ दरले प्रदेशका सबै संरचनाले खर्च गर्न पाउने गरी सरकारले बजेट निकासा गरेको हो ।
प्रदेशसभा, प्रदेशका ७ वटा मन्त्रालय र प्रदेश प्रमुखको सचिवालयलाई खर्च गर्नका लागि ४७ करोड रुपैयाँका दरले अर्थ मन्त्रालयले बिहीबार बजेट निकासा गरेको छ ।
मन्त्रालयको बजेट महाशाखाका प्रमुख निर्मलहरि अधिकारीका अनुसार प्रदेशसभाका लागि १० करोड रुपैयाँका दरले बजेट निकासा दिइएको छ ।
प्रतिमन्त्रालय ५ करोडका दरले ३५ करोड रुपियाँ निकासा दिइएको छ । प्रदेश प्रमुखको सचिवालयका लागि भने २ करोडका दरले निकासा दिइएको हो ।, आजको कान्तिपुर दैनिकमा यो खबर छ ।
प्रदेश सभा–१० करोड
प्रतिप्रदेश मन्त्रालय ५ करोड–३५ करोड
प्रदेश प्रमुखको सचिवालय–२ करोड
प्रतिप्रदेश जम्मा रकम–४७ करोड
७ प्रदेशलाई कुल निकासा–३ अर्ब २९ करोड
