काठमाडौंः नेपाल उद्योग वाणिज्य महासंघ वरिष्ठ उपाध्यक्ष पदमा शेखर गोल्छासँग प्रतिस्पर्धा गरेका किशोर प्रधान करिव एक बर्षपछि महासंघको जिल्ला नगर उपाध्यक्षमा निर्वाचित भएका छन् ।
गोल्छासँग उनी पराजित भएका थिए । प्रधान यसअघि पनि जिल्ला नगर उपाध्यक्ष थिए। शुक्रबार विहान भएको निर्वाचनमा प्रधानले १०४ मतमा ६५ मत पाएर विजयी भएका हुन । कुल ९८ मत खसेकोमा अर्का प्रत्यासी निरक केसीले ३३ मत पाए ।
यसअघि जिल्ला नगर उपाध्यक्षमा विजयी भएका प्रमोद श्रेष्ठ मेयरको चुनाव लड्न गएपछि महासंघको विधानअनुसार उनको पद खारेज भएको थियो । महासंघले गत भदौ १९ गते नै रिक्त स्थानका लागि निर्वाचन गर्ने निर्णय गरेको भएपनि श्रेष्ठले आफूलार्इ गैरकानुनी रुपमा हटाएको भन्दै सर्वोच्चमा रिट दायर गरेपछि ढिलो भएको थियो ।
सर्वोच्च अदालतले तत्काल निर्वाचन नगराउन भनेपछि विशेष साधारणसभा स्थगित भए पनि मुद्दा टुँगो लागेपछि पुनः निर्वाचन प्रक्रिया अघि बढाइएको हो । सर्वोच्चले गएको बुधबार श्रेष्ठको पक्षमा अन्तरिम आदेशलाई निरन्तरता दिन अस्वीकार गरेको थियो ।
महासंघको हालको संस्थापन पक्षप्रति रुष्ट रहेका प्रधानलार्इ चण्डिराज ढकाल (पूर्वअध्यक्ष), अध्यक्ष भवानी राणालगायतका मान्छे लागेका थिए । निर्वाचनको पूर्वसन्ध्यामा विहीबार प्रधान र केसी दुवै पक्षले मतदाताका लागि वेलकम पार्टी गरेका थिए। दुवै पार्टीमा महासंघका अधिकांश पदाधिकारी गए पनि शेखर गोल्छालगायत केही गएनन् ।