काठमाडौंः विगत केही दिन यता लगातार भारी अंकको गिरावट आइरहेको सेयर बजार परिसुचक नेप्सेमा मंगलबार भने एकल अंकको सामान्य सुधार आएको छ । आज नेप्से परिसुचक चार दशमलव ८९ अंकले बढेर एक हजार २८१ दशमलव ९० अंक कायम भएको हो ।
मंगलबार परिसुचक बढेपनि कारोबार रकममा भने गिरावट आएको छ । आज २३ करोड रुपियाँ बराबरका चार लाख कित्ता सेयर किनबेच भए । बीमा, उत्पादन र माइक्रोफाइनान्स समूह बाहेकका परिसुचक वृद्दि भएका छन् । उत्पादन समूहमा ३२ दशमलव ६५ अंकको गिरावट आएको छ भने बीमा समूहमा १० अंकले गिरावट आएको छ ।
यस्तै आज सबै भन्दा बढी होटल समूहको परिसुचक ६१ दशमलव ५४ अंकले वृद्दि भएको छ । साथै, जलविद्युतमा ९ दशमलव ३९, अन्य समूहमा ७ दशमलव १२ अंकले वृद्दि भएको छ ।
सेन्सेटिभ समूहको परिसुचक मापन गर्ने इन्डेक्समा पनि आज एक दशमलव ३० अंकको वृद्दि हुँदै २७२ दशमलव ७७ अंकमा कायम भएको छ ।
