काठमाडौंः नेपाल लाईफ इन्स्योरेन्सले हाल कायम चुक्ता पूँजीको ४२ प्रतिशत बोनस सेयर प्रस्ताव पारित गर्ने भएको छ । कम्पनीले यही चैत २८ गते (बुधवार) वीरगंजमा हुने १८औं बार्षिक साधारण सभामा उक्त परिणामको बोनस सेयर प्रस्ताव पारित गर्ने भएको हो ।
चैत १ गते बसेको संचालक समितिको २६४औं बैठकबाट साधारण सभाको मिति तोकेको थियो । कम्पनीले ८ करोड ८३ लाख २९ हजार ७००८ रुपियाँ (प्रस्तावित बोनस सेयर तथा नगद लाभांस बापतको कर सहित) नगद लाभांस वितरण गर्ने प्रस्ताव पेस गर्नेछ । संचालक समितिको बैठक भत्ता सुविधा र रिक्त संचालक पदहरुको बाँकी कार्यकालका लागि नियुक्ति गरिने बताइएको छ ।
साथै, साधारण सभामा कम्पनीको पूँजीलाई बढाएर आठ अर्ब पुर्याउने प्रस्ताव पनि पारित हुने जनाइएको छ । सर्वसाधारण सेयरको हाल कायम ७०ः३० को अनुपातलाई परिर्वतन गरेर सर्वसाधरण सेयर अनुपातमा ६०ः४० प्रतिशत कायम गर्ने लगायतको प्रस्ताव गरिने बताइएको छ ।