काठमाडौंः सूर्या लाईफ इन्स्योरेन्सको गत वर्षको नाफाबाट वितरण गरेको १० प्रतिशत बोनस सेयरपछि कायम भएको पूँजीको ४० प्रतिशत हकप्रद सेयर आउने भएको छ । इन्स्योरेन्सले १० बराबर ४ को अनुपातमा चुक्ता पूँजीको ४० प्रतिसत हकप्रद सेयर निष्कासन गर्ने भएको हो ।
कम्पनीले नेपाल धितो पत्र र्र्बोडमा हकप्रद निष्कासनको लागि गत पुस २४ गते निवदेन दिएको थियो । इन्स्योरेन्सलाई सेयर निष्कासनको स्वीकृती र्बोडले यही चैत १ गते अनुमति दिएपछि बिक्री खुला गर्ने भएको हो । बीमा समितिले तोकेको चुक्ता पूँजी पुर्याउनलाई इन्स्योरेन्सले सय रुपियाँ अकिंत २८ लाख ८७ हजार ५०० कित्ता सेयर बिक्री गर्न स्वीकृती पाएको छ ।
हाल ७२ करोड १८ लाख ७५ हजार रुपियाँ चुक्ता पूँजी रहेको सूर्या लाइफको हकप्रद सेयर निष्कासनपछि एक अर्ब एक करोड रुपियाँ पुग्नेछ । बीमा समितिले तोकको नयाँ नियमअनुसार कम्पनीले २०७५ सम्म चुक्ता पूँजी दुई अर्ब पुर्याउन पर्छ ।
कम्पनीको हकप्रद बिक्री प्रबन्धकमा एनआइसी एशिया क्यापिटल रहेको छ ।