काठमाडौंः साताको अन्तिम दिन बिहीवार सेयर बजार परिसूचक नेप्से १० दशमलव ६३ अंकले घटेर एक हजार २२० दशमलव ४४ अंक कायम भएको छ । नेप्सेमा गिरावट आउँदा पनि कारोबार रकममा भने आज सामान्य सुधार आएको छ ।
नेप्सेमा ४३ करोड रुपियाँ बराबरको १० लाख ७७ हजार ७४९ कित्ता सेयर किनबेच भएको छ । हिजो बुधवार ३७ करोड रुपियाँ बराबरको सेयर कारोवार भएको थियो । आज सबै समूहको परिसूचकमा गिरावट आएको छ ।
सबैभन्दा बढी गिरावट बीमा समूहमा १२० दशमलव ७, होटल समूहमा ५९ दशमलव ४५, उत्पादन समूहमा ३३ दशमलव ०६ अंकले गिरावट आएको छ ।
यस्तै, सेन्सेटिभ समूहको परिसूचक मापन गर्ने इन्डेक्स १ दशमलव ९९ अंकले गिरावट हुँदै २६० दशमलव ४१ अंक कायम भएको छ ।
