काठमाडौंः भारतीय राजदूत मंजिवसिंह पुरीले उर्जा, जलस्रोत तथा सिंचाईमन्त्री बर्षमान पुनसँग भेटी प्रधानमन्त्री केपी ओलीको भारत भ्रमणका क्रममा अरुण तेस्रो र पञ्चेश्वर परियोजना अघि बढाउने तयारीमा भारत रहेको जानकारी दिएका छन ।
सोमबार भएको भेटमा मन्त्री पुनले भने भारतबाट आयात भइरहेको विद्युतको हकमा प्रतिस्पर्धा गराई सस्तोमा विद्युत आयात गर्न नेपाल इच्छुक रहेकोे बताएका थिए । हाल नेपालले चार सय मेगावाट विद्युत भारतबाट आयात गरिरहेको छ ।
मन्त्री पुनले वुटवल–गोरखपुर चारसय केभि अन्तरदेशीय प्रशारणलाइन निर्माणमा नेपाललाई सहयोग गर्न पनि राजदूत पुरीसँग आग्रह गरे । राजदूत पुरीले मन्त्री पुनको प्रस्तावप्रती भारत सरकार सकरात्मक रहेको र मोडालिटीको बारेमा छलफल गर्नुपर्ने धारणा राखेको मन्त्री पुनको सचिवालयले जनाएको छ ।
