काठमाडौंः जगदम्बा सिमेन्ट उद्योगले यूरोपियन कंम्पनी एफएलस्मिथको प्रविधि भर्टिकल रोलर मिल्स (भीआरएम) जडान गरी उत्पादन सूचारु गरेको जनाएको छ । उपभोक्ताको मागलाई मध्यनजर र उत्पादनलाई अझ विस्तार गर्न यो प्रविधि डान गरिएको उद्योगले जनाएको छ ।
उद्योगले भीआरएम प्रविधि विश्वस्तरीय रहेको भन्दै यसले उत्पादनलाई थप गुणस्तरीय बनाउने जनाएको छ । यस प्रविधि नेपालमा भित्राउने जगदम्बा सिमेन्ट दोस्रो कंम्पनी हो । यो प्रविधि जगदम्बा सिमेन्टको विरगञ्जस्थित शुभश्री जगदम्बा सिमेन्ट मिल्स् प्रालिमा जडान गरिएको कम्पनीले जानकारी दिएको छ ।
हालको उद्योगको उत्पादन ४५ हजार बोरा प्रतिदिन रहेकोमा भीआरएम प्रविधि जडानपछि कम्पनीको उत्पादन करिव दोब्बर हुनेछ । जगदम्बाले आफ्नो तेस्रो उद्योग नेपाल जगदम्बा सिमेन्ट इ.प्रा.लि बाट पनि चाडै नै उत्पादन शुरु गर्ने जनाएको छ । तेस्रो उद्योग सञ्चालनपछि कम्पनीको उत्पादन प्रतिदिन एक लाख १० हजार बोरा रहने कम्पनीले जनाएको छ ।
