काठमाडौंः प्रधानमन्त्री केपी ओलीले नेपालमा जातिय द्धन्द्ध निम्त्याएर रुवान्डा बनाउने खेल भइरहेको भन्दै त्यसप्रति सचेत रहन सबैलाई आग्रह गरेका छन् । गाउँपालिका राष्ट्रिय महासंघको कार्यक्रममा शनिबार उनले जनतामा जातीय द्वेष फैलाउने, विभाजन गर्ने र सम्प्रदायिक सद्भाव विगार्ने प्रयास भइरहेको बताए ।
ओलीले नेपालमा शान्ति भडकाउने षड्यन्त्र नगर्न पनि सचेत गराए । युरोपियन युनियन (इयू)तर्फ संकेत गर्दै उनले संसारमा अन्यत्र नभएको समानुपातिक प्रणालीको जगमा विभाजित गर्ने प्रयत्न भइरहेको बताए । ओलीले षडयन्त्रप्रति होसियार रहन आग्रह गर्दै नेपाली समाजमा विष छर्ने प्रत्यन्त नगर्न आग्रह गरे ।
नेपालमा साम्प्रदायिक सदभाव भडकाउने कुरा सरकारलाई कुनै पनि हालतमा सैह्य नहुने ओलीले बताए । उनले नेपाली अनुहारलाई प्रयोग गरे एकता खलबलाउने र हिंसा भड्काउने कोशिस भइरहेको भन्दै नेपालको संविधानले सबै नेपालीलाई समान अवसर र सम्मान दिएको बताए ।
प्रधानमन्त्री ओलीले संविधान गतिशील भएकाले संशोधन गर्न सकिन्छ भन्दै त्यसलाई जनताको चाहाना अनुसार संशोधन गर्न सकिने तर अरुको लागि संशोधन नहुने बताए । देशको अर्थतन्त्र जतिसुकै खराब भए पनि भागेर कहीँ जान सकिँदैन भन्दै उनले नाजुक अर्थतन्त्रलाई उकास्न सबै जुट्नुपर्ने बताए ।
अर्थतन्त्रप्रति निराश नहुन पनि ओलीले आग्रह गरे । उनले समुद्री सतहभन्दा ४५० मिटर तल जमिन रहेको इजरायलले गरेको प्रगति उदाहरण दिँदै समुद्र सतहभन्दा माथि पानी रहेको नेपालमा गरे जे पनि हुने बताए ।
प्रधानमन्त्री ओलीले ३६ प्रतिशत निरपेक्ष गरिब रहेको, एक तिहाइ जनता खान नपाउने अवस्थामा रहेको नेपाल अब भोक र जाडो कोही पनि मर्न नदिने बताए ।
अब एउटा कमल ओढ्न नपाएर जाडो र शीतलहरको कारण कसैले पनि मर्नु नपर्दैर्ने उनको भनाई थियो । ओलीले जनताको सरकार आएकोले अब कोसैले पनि चिन्ता लिनुनपर्ने भन्दै २०२२ सम्ममा नेपाललाई विकसित मुलुकको सूचीमा पुर्याउने प्रतिवद्धता जनाए ।
