काठमाडौंः लगातार घटेर साताको पहिलो दिनमा हिजो आइतबार एक हजार दुई सय अंकभन्दा तल आएको सेयर बजार नेप्सेमा सोमबार पनि गिरावट जारी रहेको छ । आज नेप्सेमा तीन दशमलव २८ अंकले गिरावट आउँदै एक हजार १९२ दशमलव ९६ अंक कायम भएको छ ।
सोमबार नेप्सेमा कारोबार निराशाजनक रह्यो । कारोबार खुम्चिएर २० करोड रुपियाँ बराबरमा झर्दा मात्र दुई लाख ७० कित्ता सेयर किनबेच भयो । सबै समूहका उपसूचकमा गिरावट आए पनि सहकारी समूहको उपसूचकमा भने तीन दशमलव ४७ अंकको वृद्दि देखिएको छ ।
यस्तै, सबैभन्दा धेरै उत्पादन समूहको उपसूचक ३३ दशमलव ४८ अंकले घटेको छ । बीमा समूहमा २३ दशमलव ५८ अंकको गिरावट र होटल समूहमा १६ दशमलव ५४ अंकको गिरावट आएको छ ।