काठमाडौंः मेगा बैंकले नयाँ बर्षको अवसर पारेर ग्राहकहरुलाई बचत र मुद्दती खातामा नयाँ अफरहरु ल्याएको छ । मेगा बैंकले ग्राहकहरुको मागलाई ध्यानमा राखेर आठ प्रतिशत सर्वप्रिय बचत खाता सञ्चालनमा ल्याएको हो ।
यो खाता खोल्दा थुप्रै सेवाहरु निःशुल्क पाइने बैंकले जनाएको छ । निःशुल्क पाइनेमा भिसा डेबिट कार्ड, क्रेडिट कार्ड, अनलाइन बैंकिङ, एसएमएस सेवा, एबीबीएस सुविधा, चेकबुक, अकाउन्ट स्टेटमेण्ट, स्टप पेमेन्ट र गुड फर पेमेन्ट सेवा रहेका छन् ।
यसैगरी, खाता खोल्ने हरेक ग्राहकलाई पाँच लाखसम्मको दुर्घटना बिमाको व्यवस्था गरिएको छ । लकर सुविधामा शतप्रतिशतसम्म छुटको व्यवस्था छ भने होम बैंकिङ र प्राइभेट बैंकिङ सुविधाको पनि व्यवस्था गरिएको जनाइएको छ ।
यस्तै, मेगा बैंकले १० प्रतिशत ब्याज पाइने ६० दिने मुद्दति खाता र हरेक महिना ११ प्रतिशत ब्याज पाइने एक बर्षे मुद्दति खाता पनि ल्याएको छ । पाँच लाख न्यूनतम बचत रहेको १० प्रतिशत मुद्दति खाता अहिले पनि सञ्चालनमा छ भन्दै मेगा बैंकल आठ प्रतिशत पाइने सर्वप्रिय बचत खाता र ११ प्रतिशत मासिक ब्याज पाइने मुद्दति खाता बैशाख २ गतेबाट सञ्चालनमा आउने जनाएको छ ।
ग्राहकहरुको विश्वास जित्दै अघि बढ्ने क्रममा नयाँ बर्षको खुसीयालीमा नयाँ सुविधाहरु ल्याएको मेगा बैंककी कायममुकाम सिइओ अनुपमा खुञ्जेलीले बताइन ।
