काठमाडौंः इण्डियन प्रिमियर लिग (आइपीएल)मा लगातार हार ब्यहोरीरहेको दिल्ली डेयरडेभिल्सको बेन्चमा रहेका प्रतिभावान युवा नेपाली खेलाडी सन्दिप लामिछाने भने प्रतियोगितामा आफ्नो डेब्युको पर्खाईमा छन् । उनले नेपालका लागि छोटो समयमै अन्तर्राष्ट्रिय स्तरमा आफुलाई उच्च दर्जाको खेलाडी भएको प्रमाणित गरेका छन् ।
तर, सन्दिप मैदान उत्रिएर भटाभट् विकेट लिएको हेर्न लाखौं नेपाली क्रिकेट सर्मथक दिल्लीका प्रत्येक खेलमा आँखा लगाउछन् । सन्दिपले दिल्लीले खेलेका यसअघिका चार खेलमा मैदान उत्रन पाएनन् । टोलीमा उनीभन्दा राम्रा र अनुभवी तथा अलराउण्डर खेलाडी भएकाले सन्दिपले मौका नपाएका हुन् ।
विदेशी खेलाडीको सूचिमा ग्लेन म्याक्श्वेल, क्रिस मोरिस, जासन रोय, ड्यानियल क्रिस्टेन ट्रेन्ट बोल्ट, कोलिन मुनरो र लिआम प्लुंकेट जस्ता नाम चलेका खेलाडी रहनु हो । अहिलेसम्म दिल्लीले खेलेका चार खेलमध्ये एकमा मात्र जित निकालेको छ । यसको मुख्य कारण दिल्लीको बलिङमा गम्भिर कमजोरी रहनु हो ।
आज (शनिवार) टोलीले रोयल च्यालेन्जर्स ब्याङलोरविरुद्ध आफ्नै घरेलु मैदानमा प्रतिस्पर्धा गर्दै छ । उक्त खेल राति ८ बजेर १५ मिनेटमा सुरु हुनेछ ।
आजको खेलमा सन्दिप लामिछाने टोलीमा पर्न सक्ने उच्च सम्भावना छ । त्यसको कारण विदेशी खेलाडी खेल्मा चल्न नसक्नुले सन्दिपको डेब्यु सम्भावना उच्च रहेको जनाइएको छ ।