काठमाडौंः गएको साताभरमा ११० अंकले सुधार आएको सेयर बजार परिसुचक नेप्से यो साताको पहिलो दिन आइतबार नै ५० अंकले उक्लिएको छ भने एक अर्ब १२ करोड रुपियाँभन्दा बढिको सेयर किनबेच भएको छ ।
आज उत्पादनमूलक र अन्य समूहको सेयरमा सामान्य वृद्धि भए पनि बाँकी समूहको उपसुचकमा उत्साहजनक सुधार आएको छ । आज कुल १६७ वटा कम्पनीको कारोबार भएकोमा घाटा खाने कम्पनीको संख्या जम्मा १० वटा मात्रै छ ।
समूहगत कारोबारमा जलविद्युत, बीमा र लघुवित्त समूहको उपसुचक पाँच प्रतिशतभन्दा बढिले उचाई लिएको छ भने बाणिज्य बैंक, होटल, विकास बैंक, वित्त समूहको उपसुचक तीन प्रतिशतभन्दा बढिले उचालिएको छ ।
