लमजुङः जिल्लामा उत्पादित अलैंचीका बिरुवा बिक्री नहुँदा किसान चिन्तित भएका छन्। मस्र्याङ्दी गाउँपालिका–७, ताराचोक, सेराका किसानले खाद्यबाली मासेर नगदेबालीको रुपमा अलैंचीका बिरुवा उत्पादन गर्दै आएका छन् ।
अहिले करिब २० लाख बिरुवा हुर्किएको सो ठाउँमा ४५ लाख रुपियाँभन्दा बढीको लगानी भएको जनाएको छ । उत्पादन गरिएको अलैंचीको बिरुवा बिक्री नहुँदा किसान निरास बनेका हुन्।
धेरै खर्च गरेर उत्पादन गरिएका बिरुवा बिक्री नभएपछि आफूहरु मारमा परेको किसनहरु बताउँछन् । बिरुवा बिक्रीका लागि सरकारले नै पहल गरिदिनुपर्ने किसान सोमबहादुर तामाङले बताए ।
माग कम तर उत्पादन धेरै भएकाले बिरुवा बिक्रीमा समस्या भएको नेपाल अलैंची व्यवसायी महासंघ लमजुङका अध्यक्ष अजय तामाङले बताए ।