दोहाः मृत्युदण्डको सजायबाट आममाझी पाएका नेपाली उमेशले पीडित परिवारलाई ब्लडमनीवापत बुझाउनुपर्ने रकम जुटाउने क्रममा यहाँ व्यवसाय गर्दै आएका नेपाली व्यवसायी अब्दुल बसिदले एक लाख रुपियाँ सहयोग गरेका छन् ।
यादवलाई ब्लडमनीवापतको ठूलो रकम संकलन गर्ने क्रममा उनले सो सहयोग गरेका हुन । गैरआवासीय नेपाली संघ (एनआरएनए)को सामाजिक उद्यमशीलता समिति मध्यपूर्वका संयोजकसमेत रहेका बासिद कतारमा इलेक्ट्रोनिक्स व्यवसाय गर्दै आएका छन् ।
एक पाकिस्तानीको हत्या गरेको अभियोगमा मृत्युदण्डको सजाय सुनाइएका यादवलाई मृतकको परिवारले यादवलाई आममाफी दिएका थिए । तर, आममाफीवापत यादवले उक्त परिवारले ३० लाख पाकिस्तानी रुपयाँ माग गरेपछि उक्त रकम संकलन गर्ने क्रममा बसिदले एक लाख रुपियाँ सहयोग गरेका हुन ।
जनकपुरबाट आएर कतारमा सफल व्यवसाय गर्दै आएका बसिदले नेपाली भएको नाताले नेपालीलाई सहयोग गर्नु आफ्नो कर्तव्य सम्झिएर सहयोग गरेको बताए । उनले कामको खोजीको बाध्यताले कतार आइपुगेको नेपालीको जीवन रक्षा गर्नु नेपालीहरुको दायित्व भएको बताए । बसिदले यस कार्यमा सहयोग गर्न अन्य प्रवासी नेपालीलाई पनि अपील गरेका छन् ।
पाकिस्तानी नागरिकमोहम्मद लतिफ वसिर अहमद असलमको हत्याको आरोपमा साउदी जेलमा रहेका उमेश यादवलाई मृत्युदण्ड दिइएपछि उनलाई बचाउने प्रयासका लागि नेपालबाट सरोज राय पाकिस्तान गएका थिए ।
रायको टोली र पीडित पाकिस्तानी परिवारबीच वार्ता मिलेपछि मृतकका परिवारले यादवलाई आममाझी दिन तयार भएको थियो । तर, आममाफीवापत असलमका परिवारले ब्लड मनी ३० लाख पाकिस्तानी रुपियाँ माग गरेको थियो ।
यादवलाई सहयोग गर्ने व्यवसायी बसिदले बेला ब्रान्डका आउटडोर कुलर, मिस्टिङ फ्यान, ड्रम फ्यान ,वाल फ्यान, भेन्टिलेशन फ्यान, इन्ड्रसियल फ्यान, आउटडोर हिटरहरु कतार र मध्यपूर्वका अन्य मुलुकहरुमा बिक्री गर्दै आएका छन् ।