काठमाडौंः पत्रकार आचार संहिता उल्लङ्घन गरेको भन्दै प्रेस काउन्सिल नेपालले २७ वटा सञ्चार माध्यमलाई अवज्ञाकारी सुचि (ब्ल्याक लिष्ट)मा राखेको जनाएको छ ।
काउन्सिलले सोमबार जारी गरेको विज्ञप्तिमा आफूले पटक पटक गरेको निर्णय र निर्देशन अटेर गरेको भन्दै २०७४ साउन १ देखि २०७५ जेठ ९ गतेभित्र २७ वटा सञ्चार माध्यमहरु पत्रकार आचार संहिताअनुसार स्वतः कालो सुचिमा परेको उल्लेख गरेको छ ।
आचार संहिता उल्लङ्घनसम्वन्धी उजुरी र अनुगमनका क्रममा फेला परेका उल्लङ्घनका समाचारहरुको छानविन गरी उनीहरुलाई कारवाही गरिएको काउन्सिलले दावी गरेको छ । प्रेस काउन्सिल सञ्चार माध्यमको नियामक संस्था हो ।