पेलेले ब्राजिललाई तीन वटा विश्वकपको उपाधि यसरी दिलाएका थिए…..

pele-brazil

काठमाडौंः अहिलेसम्म सञ्चालन भएका विश्वकपका प्रत्येक संस्करणमा सहभागी भएको एकमात्र देश ब्राजिलको पहिलो पटक विश्व विजेत बन्ने लक्ष्य सन् १९५४ सम्ममा सफल हुन सकेको थिएन ।

सुरुवातका पाँच वटा प्रतियोगितामा उत्कृष्ट खेल्दै विश्वकपको उपाधि जित्न नसकेको ब्राजिललाई पेलेले सन् १९५८ मा पहिलो पटक विश्वकप जिताएर इतिहास रचेका थिए ।

united_cement

फुटबललाई देशको पहिचान र धर्म मान्ने विश्वको एकमात्र देश ब्राजिलले सन् १९५० मा चौंथो विश्वकपको आयोजना घरमै गरेको थियो । तर, फाइनलमा छिमेकी राष्ट्र उरुग्वेसँग पराजित भएसँगै घरेलु मैदानमा विश्व विजेता बन्ने उसको लक्ष्य पूरा हुन सकेन ।

तर, पेलेको जन्म भएपछि ब्राजिलको अन्तर्राष्ट्रिय जगतमा फुटबलको पहिचान फेरियो । उनी सन् १९५८ को विश्वकपमा ब्राजिलियन टोलीमा अटाएपछि टिमलाई पहिलो विश्वकपको उपाधि जिताए । उक्त प्रतियोगितामा पेलेले सार्वधिक छ गोल मात्र गरेनन्, उत्कृष्ट खेलाडी पनि बने ।

फ्रान्सविरुद्ध सेमिफाइनलमा पेलेले ब्राजिलको लागि ह्याट्रिक गरेपछि ५-२ को जित निकाल्दै फाइनलमा प्रवेश गरेको थियो । फाइनलमा पनि पेलेले आफ्नो जादुमय फुटबल प्रदर्शन गरे । उनले फाइनलमा स्वीडेनविरुद्ध दुई गोल गर्दै ब्राजिललाई पहिलो पटक विश्वकप उपाधि दिलाए ।

यस्तै, सन् १९६२ मा चिलीमा भएको विश्वकपको सातौं संस्करणमा पनि पेलेको प्रस्तुती र आकर्षण उस्तै थियो । उनले समूह चरणमा मेक्सिकोविरुद्ध पहिलो खेलमा गोल गरेपनि अन्य खेलमा भने गोल गर्न सकेनन् । तर, पनि पेलेको खेल ब्राजिलियन टिममा प्रभाव उस्तै थियो ।

प्रतियोगिताको फाइनलमा चेकोस्लोभाकियालाई ३-१ गोलले पराजित गर्दै ब्राजिलले लगातार दोस्रो पटक उपाधि जितेको थियो । लगातार दोस्रो पटक उपाधि जित्ने नयाँ कीर्तिमान ब्राजिलले रच्यो ।

तर, सन् १९६६ मा इंग्ल्याण्डमा भएको विश्वकपमा ब्राजिल समूह चरणबाट बाहिरियपनि सन् १०७० को विश्वकपमा नयाँ इतिहास बनायो । प्रतियोगितामा सानदार सुरुवात गरेको ब्राजिलले फाइनलमा इटालीलाई ४-१ गोलले पराजित गर्दै तेस्रो पटक उपाधि उचाल्यो ।

उक्त विश्वकपमा ४ गोल गरेका पेलेले सर्वोत्कृष्ट खेलाडी बने । उनले खेलेका विश्वकपका १४ खेलमा पेलेले १२ गोल गरे ।

साथै, उनले आफ्नो खेल जिवनमा एक हजार ३६३ खेलबाट एक हजार २८१ गोल गरेका थिए । हालसम्म एक हजारभन्दा बढी गोल गर्ने एकमात्र खेलाडी पेले हुन् । यस्तै उनले ब्राजिलको लागि ९१ खेलबाट ७७ गोल गरेका छन् ।