डिसहोमबाट देवी भट्टचनको राजीनामा, नयाँ अध्यक्षमा आइएमई समूहका ढकाल, चाँडै आइपीओ जारी गर्ने

hemraj_dhakal_sudip_acharya

काठमाडौंः प्रभु टिभी सञ्चालनमा ल्याएसँगै डिसहोमबाट प्रभु समूहका देवीप्रकाश भट्टचनले राजीनामा दिएका छन् भने नयाँ अध्यक्षमा आइएमई समूहका हेमराज ढकाल नयाँ अध्यक्ष भएर आएका छन् ।

प्रभु समूहले आफ्नै ब्राण्डमा नयाँ डिजिटल केवल टिभी सञ्चालनमा ल्याएपछि डिसहोमको नेतत्वबाट बाहिरिएको हो । बिहीबार बसेको डिश मिडिया नेटवर्क लिमिटेडको बैठकमा भट्टचनले राजीनामा दिएका हुन । बैंठकले भट्टचनको योगदानप्रति धन्यवाद पनि दिएको छ ।

nic-asia

साथैै, सोही बैठकले सुदिप आचार्यलाई कम्पनीको सञ्चालकमा नियुक्त गरेको छ । उनी यसअघि कम्पनीको प्रमुख कार्यकारी अधिकृत मात्रै थिए । उनी अब कम्पनीको प्रवन्ध संचालकको भूमिकामा हुनेछन् ।

सन् २००९ मा स्थापना भएको डिश मिडिया नेटवर्क लिमिटेड नेपालको पे टिभी इन्डष्ट्रिजमा काम गरेको सबै भन्दा ठूलो कम्पनी हो । गत बर्षदेखि पब्लिक कम्पनीको रुपमा रुपान्तरण भइसकेकोले चाँडै सर्वसाधारणलाई सेयर पनि जारी गर्ने जनाएको छ ।