सरकारको विरोधमा एक युवकले गरे सिंहदरबार अगाडि नग्न प्रदर्शन

Advertisement

काठमाडौँ । सरकारको बिरोधमा एक युवाले सिंहदरबार अगाडि नग्न प्रर्दशन गरेका छन्।

गाई, गोरू मार्नेलाई कानुन लगाएको भन्दै सरकारको बिरोधमा शुक्रबार दिउँसो सिंहदरबारको दक्षिणी गेट अगाडि एक युवाले नग्न प्रर्दशन गरेका हुन्।

त्यस क्रममा उनले तस्करी, बलत्कारी, घुसखोरीलाई कानुन लगाउनुको साटो गाई, गोरू मार्नेलाई कानुन लगाएकाले सरकारको विरोधमा सिंहदरबारमा धर्ना दिन आफूले ‘नग्न’ प्रर्दशन गरेको प्रतिक्रिया दिएका छन्।

उनले गाईलाई राष्ट्रिय जनावरबाट बदर गर्न र सबैलाई लागू हुने गरी नयाँ मुलुकी ऐन संशोधन गर्न माग गरिएको प्लेकार्ड पनि प्रर्दशन गरेका थिए ।

उनको छातिमा ‘सरकार मुर्दावाद’ लेखिएको र यौनांगमा ‘जनावर सबै एक हुन्, कानुन सबलाई लागू गर, नयाँ मुलुकी ऐन संशोधन गर, गाईलाई राष्ट्रिय जनावरबाट बदली गर’ लेखिएको प्लेकार्डले छोपिएको थियो।

सडकमा नग्न प्रर्दशनमा उत्रिएका उनलाई केहीबेरमै प्रहरीले पक्राउ गरेको छ। पक्राउ परेका ती युवा जितिन लिम्बु हुन्।

सार्वजनिक स्थलमा अश्लिलता प्रर्दशन गरेकाले उनलाई पक्राउ गरिएको महानगरीय प्रहरी वृत्त, सिंहदरबारले जनाएको छ । नग्न प्रर्दशन गरेका लिम्बुलाई महानगरीय वृत्त सिंहदरबारको हिरासतमा राखिएको प्रहरी उपरीक्षक काजीकुमार आचार्यले जानकारी दिए।

Advertisement

Advertisement

Advertisement