काठमाडौं। नेपाल क्रेडिट एण्ड कमर्स (एनसीसी) बैंकले आज (बुधबार) देखि ७९ लाख १० हजार ९९३ कित्ता सेयर लिलामीका ल्याएको छ । यस अघि बैंकले भदौमा दुई बराबर एकको अनुपातमा २ करोड ३३ लाख ९५ हजार २९१ कित्ता हकप्रद शेयर निष्काशन गरेको थियो। त्यसबेला हकप्रदमा नबिकेको सेयर बैंकले लिलामीमा ल्याएको हो ।
बैंकले ल्याएको लिलामी शेयर मध्ये ६५ लाख १६ हजार ७९५ कित्ता शेयर संस्थापक र १३ लाख ९४ हजार १९८ कित्ता सर्वसाधारण सेयर रहेको छ । यस सेयरमा न्युनतम १०० रुपियाँलाई आधार मानेर बोलपत्र पेश गर्नुपर्नेछ।
बैंकको हकप्रद सेयर बिक्री प्रबन्धक सनराइज क्यापिटल रहेको छ । लगानीकर्ताले बिक्री प्रबन्धकको कार्यालय कमलपोखरी, र एनसीसी बैंकका विराटनगर, विरगञ्ज, बुटवल, पोखरा, नेपालगञ्ज, सुर्खेत, धनगढी, नारायणगढ, बनेपा, र मुख्य शाखा कार्यालय बागबजारबाट पुस २० गते शुक्रबारसम्म शिलबन्दी बोलपत्र पेश गर्न सक्नेछन् ।