काठमाडौं । सिटिजन्स बैंकले नेपालगंजमा प्रदेश नं ५ को प्रादेशिक कार्यालय स्थापना गरेको छ । बैंकले आफ्नै भवनमा प्रादेशिक कार्यालय स्थापना गरेको हो ।
बैंकले आईतबारदेखि उक्त प्रादेशिक भवन संचालनमा ल्याएको हो । उक्त कार्यालयको उद्घाटनमा प्रदेश नं ५ का उच्चपदस्थ सरकारी कर्मचारी, उद्योगी, व्यापारी, विभिन्न संघ संस्थाका प्रमुख तथा नागरिक समाजका अगुवाहरुको बाक्लो उपस्थिति रहेको बैंकले जानकारी दिएको छ ।
प्रदेश नं ५ अन्तर्गत बैंकका शाखाहरु बाट व्यापार बिस्तारका साथ साथै शाखाहरुसंगको समन्वय, निगरानी, संस्थागत सुशासन, जोखिम व्यवस्थापन एवम गुनासो सुनुवाई जस्ता कार्यहरू प्रादेशिक कार्यालयले छिटो, छरितो, चुस्त र दुरुस्त रूपमा सम्पादन गर्ने विश्वास बैंकले लिएको छ ।
बैंकका प्रदेश नं ५ अन्तर्गत बढैेयाताल, बंगलाचुली, भुमही, भुमे, बुटवल, छहरा, घोराही, झिमरुक, नेपालगंज, सानोश्री तथा सिद्धार्थनगर गरि ११ स्थानमा साखा रहेका छन् । बैंकले हाल नेपालभर ८१ वटा शाखा, ७५ वटा एटिएम र ९९ वटा शाखा रहित बैंकिङ एकाईमार्फत बैंकिङ सेवा दिइरहेको छ ।
