फुडमाण्डूको अनलाईन ‘फुड फेस्टिभल’मा एक रुपियाँमा नै खाना पाईने

काठमाडौं । फुडमाण्डूले अनलाईन फुड फेस्टिभल २०१९ आयोजना गरेको छ । यो योजना माघ एक गतेदेखि सुरु भएर माघ १० सम्म संचालन हुनेछ ।

फुडमाण्डूको अनलाइन फूड फेस्टिभलमा सहभागी रहेका ३० विभिन्न रेष्टुरेन्टहरुले आफ्ना विशेष परिकारहरु विशेष छुट मूल्यमा पस्किेनछन् ।यस उत्सव अवधिमा ग्राहकहरुले आफ्नो मोबाइलमा फुडमाण्डू एप्स डाउनलोड गरेर उत्सवको मजा लिन सक्नेछन् । यो सेवा फुडमाण्डूको मोबाइल एप्समा मात्र सञ्चालन गरिएको छ ।

unitednic

फुडमाण्डूको एप्समा गएर अर्डर गरेमा ५० प्रतिशतसम्मको छुट, एक  रुपियाँमा खाना पाईने अवसरका साथै डिजिटल पेमेन्ट गेटवे खल्तीबाट पेमेन्ट गर्दा थप २० प्रतिशत क्यासब्याक पनि प्राप्त गर्न सक्ने फुडमाण्डूले जनाएको छ ।

यति मात्र नभई यस योजनामा विभिन्न गेमहरु खेलेर भौचरहरु जित्न सकिनेछ । हरेक दिन १० जना ग्राहकहरुले रु. २५०० भन्दा माथिको अर्डरमा १८० एम.एल.को भोड्का(रुस्लान) पनि निशुल्क प्राप्त गर्नेछन् । साथै उत्सव अवधिभरी ग्राहकहरुसम्म फ्रि डेलिभरीको व्यवस्था रहेको फुडमाण्डुले जनाएको छ ।

यो योजना अवधिभर प्रत्येक दिन दुईपटक फ्ल्याश डिल आयोजना हुनेछ भने विभिन्न खानाका परिकारहरुसहितको मिस्ट्री बक्सहरु पनि छुट मूल्यमा उपलब्ध हुने फुडमाण्डुले जनाएको छ ।