महेश ढकाललाई ग्लोबल आइएमईको कामु सिइओको जिम्मेवारी

काठमाडौं। ग्लोबल आईएमई बैंकले कायम मुकायम प्रमुख कार्यकारी अधिकृतमा महेशकुमार ढकाललाई नियुक्त गरेको छ ।

यस अघिका प्रमुख कार्यकारी अधिकृत जनक शर्माले राजिनामा दिएपछि बैंकले तीन महिना अघिमात्र उप प्रमुख कार्यकारी अधिकृतका रुपमा प्रवेश गरेका ढकाललाई  कामु प्रमुख कार्यकारी अधिकृत बनाएको हो । केहि दिन अघि काम सन्तोषजनक नभएको भन्दै सञ्चालक समितिले सँग राजिनामा मागेको थियो।

united

तत्कालिन टुरिजम डेभलपमेन्ट बैंकका प्रमुख कार्यकारी अधिकृत ढकाल मेगा बैंकमा टुरिजम डेभलपमेन्ट बैंक गाभिएपछि तेस्रो स्थानमा थिए । लगत्तै उनी ग्लोबल आईएमई बैंकको उप प्रमुख कार्यकारी अधिकृतमा नियुक्त भएका  ढकाल अर्को सिइओ नभेटीएसम्मका लागि बैंकको कामु सिइओ बनेका हुन् ।

चार्टर्ड एकाउन्टेन्टसमेत रहेका ढकाल टुरिजम डेभलपमेन्ट बैंक, मेगा बैंक हुँदै ग्लोबल बैंकमा भित्रिएका हुन् ।