नेपाल बैंकको नाफा घट्यो

नेपाल बैंकको पहिलो त्रैमासको मुनाफा पौने पाँच करोडले घट्यो

काठमाडौं ।नेपाल बैंकले चालु आर्थिक वर्षको दोस्रो त्रैमास अवधि सम्ममा एक अर्ब ६६ करोड १४ लाख ९८ हजार रुपियाँ खुद नाफा कमाएको छ । बैंकले शनिबार सार्वजनिक गरेको फाइनान्सियल रिपोर्ट अनुसार अघिल्लो वर्षको तुलनामा  १ दशमलव ४० प्रतिशत  मात्र धेरै हो । गत वर्ष बैंकले १ अर्ब ६३ करोड ८४ लाख ५९ हजार रुपैयाँ खुद नाफा कमाएको थियो ।

गत वर्ष वितरण योग्य नाफा १ अर्ब ६३ करोड ८४ लाख ५९ हजार रुपियाँ थियो । खुद ब्याज आम्दानी ७ दशमलव ७१ प्रतिशतले बढेर ३ अर्ब १६ करोड ७२ लाख ४९ हजार रुपियाँ पुगेको छ । गत वर्ष नेपाल बैंकले २ अर्ब ९४ करोड ३ लाख २९ हजार रुपियाँ खुद ब्याज आम्दानी गरेको थियो । सञ्चालन नाफा पनि १ अर्ब ८३ करोड रुपियाँबाट बढोत्तरी गरेर २ अर्ब ३१ करोड २४ लाख ९१ हजार रुपियाँ पुर्याएको छ ।

ss-college

यस अवधिमा बैंकले निक्षेप संकलन एक खर्ब पाँच अर्ब ६७ करोड ८२ लाख रुपियाँ गरेको छ भने ८५ अर्ब ७९ करोड ८४ लाख रुपियाँ बराबरको कर्जा परिचालन गरेको छ । गत वर्ष पुसमा बैंकको निक्षेप संकलन ९१ अर्ब ८९ करोड ८६ लाख र कर्जा लगानी ७८ अर्ब ७१ करोड २ लाख रुपियाँ बराबरको प्रवाह गरेको थियो ।

हाल यसको चुक्ता पुँजी ९ अर्ब ८१ करोड ११ लाख ४८ हजार रुपियाँ छ । रिजर्भ कोषमा १९ अर्ब ६५ करोड १४ हजार रुपियाँ रहेको छ । प्रतिसेयर आम्दानी ३३ रुपियाँ ८७ पैसा रहेको नेपाल बैंकको प्रतिसेयर नेटवर्थ ३०० रुपियाँ २८ पैसा छ ।