ललितपुर । नक्खुस्थित एक कार्पेट गोदाममा सोमबार दिउसो भीषण आगलागी भएको छ । ललितपुर र काठमाडौंका बारुणयन्त्रणका साथै सेना र प्रहरी परिचालन गरी आगो नियन्त्रण भइसकेको नख्खुका डिएसपी अपिलराज बोहराले बताए ।
उनका अनुसार लागलागीबाट चारदेखि पाँच करोड रुपियाँको क्षति भएको प्रारम्भिक अनुमान गरिएको छ । अपरान्ह करिव पौने ३ बजे आगो नियन्त्रणमा भएको हो । आगलागीको कारण अनुसन्धान भइरहेको प्रहरीले जनाएको छ ।