विकृति र सरकारको आलोचना गर्दै गायक शर्माले गाए यस्तो गीत (भिडियोसहीत)

lutna-sake-lut

काठमाडौं । चर्चित लोकदोहरी गायक पशुपति शर्माले नयाँ गीत ‘लुट्न सके लुट नेपालमै हो छुट’मार्फत सरकारको व्याङग्य गरेका छन् ।

उनी आफूले पञ्चायत सुने, बहुदल सुने र गणतन्त्र भोगे तर देश र जनताको निश्वार्थरुपले माया गर्ने न त कुनै नेता भेटे न त अरु कोही ठूला पदमा हुने भलाद्मीहरु, त्यसैले यो गीत गाउन बाध्य भएको गीतमार्फत जनाएका छन् ।

united

शर्माले देशमा बिग्रिएका बाटोघाटो जहाँ ट्राफिक लाईट पनि नभएर अस्तव्यस्त भइरहेका छन्, तर यस्तो अवस्था देख्दादेख्दै पनि राष्ट्रपतिले डेढ अर्बको हेलिकप्टर चढेर हिड्ने कुरालाई यस गीतमा तिखो व्याङग्य गरेका छन् ।

उनले राजनीतिक, आर्थिक स्थिति बिग्रँदै गएको र विकास गर्ने निउँमा भलाद्मी भनौदाहरुले आर्थिक लगानी हिनामिना गरेको कुरालाई उल्लेख गर्दै यो देशमा सोझो पाराले काम गर्नेहरुलाई कहिल्यै लाभ नहुने र सजिलै काम पनि नपाइने कुरा यस प्रष्ट पारेका छन् ।

गायक शर्माले वाइडवडी काण्ड र सुन काण्ड कहाँ हरायो ? भन्दै प्रश्न पनि उठाएका छन् । देशमा भ्रष्ट्राचार गर्नेले गरिरहेको छ लुट्नेले लुटिरहेको छ ठुलाबडाको लागि न त कुनै कानुन नै छ त्यसैले लुट्न सक्नेले लुट  नेपालमै हो छुट भन्दै उनले यो गीत गायका हुन् ।

शर्माको आफ्नै शब्द, संगीत र स्वर रहेको यस गीतमा अभिनय मन्जु बि.क, प्रज्वल भण्डारी र गायक आफैको मूख्य अभिनय रहेको छ । छायाँकन र निर्देशन दुर्गा पौडेलले गरेका छन् भने भिडियोको सम्पादन नबिन घर्ति मगरले गरेका छन् । यस भिडियोलाई अहिलेसम्म एक लाख २२ हजार तीन सय ३३ जनाले युट्युबमार्फत हेरिसकेका छन्।  भिडियो हेर्नुहोस: