लाजिम्पाटमा आगलागी, १ को मृत्यु ४ घाइते

Advertisement

काठमाडौं । गएराति बिहीबार काठमाडौंको लाजिम्पाटमा आगलागी हुँदा एकजनाको मृत्यु भएको छ भने चारजना घाइते भएका छन्। घाइतेमध्ये दुईजनाको अवस्था गम्भीर रहेको प्रहरीले जनाएको छ।

लाजिम्पाटको चैतन्यमार्गमा रहेको धर्म महर्जनको घरमा आगो लागेपछि सोही घरमा भाडामा बस्ने भेषबहादुर थापाको मृत्यु भएको माहानगरीय प्रहरी परिषद् टेकुका प्रवक्ता होबिन्द्र बोगटीले बताए। थापा राजधानीस्थित शंकर होटलमा सेक्युरेटी गार्डको काम गर्दै आएका थिए।

गम्भीर घाइते हुनेमा बर्दीया राजापुरका विवेक शाही र उनकी श्रीमती गंगा शाही रहेका छन्। विवेकको मुख जलेको र गंगाको अनुहारलगायत शरीरका विभिन्न भाग जलेको प्रहरीले जनाएको छ। घाइते चन्द्रमाया राई र बिना बस्नेत अस्पतालबाट डिस्चार्ज भएका प्रहरीले जानकारी दिए।

माटोको घरमा आगो बिजुली सर्ट भएर लागेको प्रहरी प्रवक्ता बोगटीले जानकारी दिए। राति १२ बजे लागेको आगो १ बजे नियन्त्रणमा आएको थियो । आगलागी भएको एकघन्टापछि नियन्त्रणमा आएको थियो।

Advertisement

Advertisement

Advertisement