काठमाडौं । अमेरिका र चिनबीच व्यापारिक द्धन्द्ध बढ्ने क्रम जारी नै छ । अमेरिकी राष्ट्रपति डोनाल्ड ट्रम्पले जुनको अन्तिममा हुने जी२० सम्मेलनपछि बाँकी चिनियाँ सामग्रीमाथि आयातकर बढ्न सक्ने बताएपछि चिनले पनि त्यसको कडा जवाफ दिने चेतावनी दिएको छ ।
ट्रम्पले गत साता थप ३ खर्ब डलरको चिनियाँ सामग्रीमा आयातकर बढाउनेबारे विचार गरिरहेको बताएका थिए । चिनले व्यापारिक द्धन्द्ध नचाहेको तर अमेरिकाले सुरु गरेमा आफू पनि जवाफ दिने र अन्तिम समयसँग लड्ने योजना बनाएको बताइएको छ ।
यसअघि गत मे १० मा ट्रम्पले २ खर्ब डलरका चिनियाँ सामग्रीमा २५ प्रतिशतसम्म आयातकर बढाउने निर्णय गरेका थिए । त्यसको बदलामा चीनले पनि ६० अर्ब डलरका अमेरिकी आयातमा कर बढाउने निर्णय गरेको थियो ।
