काठमाडौं । सरकारले गुठी विधेयक फिर्ता लिए पनि गुठीयारहरुले प्रदर्शन गरिरहेका छन्। माइती घर मण्डलामा काठमाडौंका हजारौं मानिसहरु जम्मा भएर प्रदर्शनमा उत्रिएका छन् ।
सरोकारवाला निकायको चर्को दबाबपछि सरकारले गुठीसम्बन्धी विधेयक फिर्ता लिने निर्णय गरेको हो । धर्म संस्कृति परम्परा, सम्पदा नास हुने भन्दै विधेयकको विरुद्धमा काठमाडौं उपत्यकाका नेवार समुदाय आन्दोलित बनेका छन् ।
सोमबार प्रधानमन्त्री केपी शर्मा ओलीले काठमाडौं उपत्यकामा पार्टीबाट निर्वाचित जनप्रतिनिधिसँग पनि विधेयकका सम्बन्धमा परामर्श दिएका थिए । आफ्नै पार्टीका सांसदहरुले पनि विधेयक फिर्ता लिनुपर्ने आवाज उठाएपछि सरकार विधेयक फिर्ता लिन बाध्य बनेको हो ।
पाटन, असन तथा बसन्तपुर लगायतका क्षेत्रबाट ठूलो संख्यामा आएको मानिसहरू माइती घरमा उर्लिएका हुन्। प्रदर्शनकारीले ुगुठी विधेयक खारेज गरु,जस्ता नारा लगाएका छन्। प्रदर्शनका कारण सडकमा सवारी आवागमनमा समस्या भएको छ।
