काठमाडौं । भोजपुरमा एउटा सिँचाई आयोजनाको काम सकिएपछि रकम भुक्तानी गर्न घुस लिएपछि एक इञ्जिनियर पक्राउ परेका छन् ।
सिञ्चाई कार्यालय भोजपुरका सिडिई मोहनबाबु यादवलाई एक लाख ८० हजार घुस रकमसहित अख्तियारको इटहरी कार्यालयले पक्राउ गरेको हो ।
कुल १८ लाख रुपैयाँको सिँचाईको काम भएकामा निर्माण सम्पन्न प्रतिवेदन दिनका लागि सिडिई यादवले १० प्रतिशत रकम घुसवापत माग गरेका थिए ।
अख्तियारको टोलीले घुसवापतको रकम लिइसकेको अवस्थामा यादवलाई पक्राउ गरेको हो । अहिले मुचुल्का उठाउने काम भइरहेको अख्तियारका प्रवक्ता प्रदीपकुमार कोइरालाले रातोपाटीलाई जानकारी दिए ।