काठमाडौं । एनसेल प्रालिले आयोजना गरेको एनसेल सर्ट फिल्म कम्पिटिसन अन्तर्गत कमल सुवेदी र उनको समूहले बनाएको ‘बुवा’ फिल्मले पहिलो पुरस्कार पाउन सफल भएको छ । यो प्रतियोगिताको थिम बुवा रहेको थियो ।
बुवाको मुख हेर्ने दिनको अवसरमा एनसेलले साउनको तेस्रो साताबाट ईच्छुक सर्ट फिल्म निर्माताहरुबाट प्रतियोगितामा समाबेश हुन आवहान गरेको थियो । यस प्रतियोगिताको मुख्य लक्ष्य भनेको युवा प्रतिभाहरुलाइै चलचित्र निर्माणमा प्रोत्साहन गर्नु रहेको एनसेलले जनाएको छ ।
प्रतियोगितामा ७० वटा भन्दा बढि सर्ट फिल्महरु आएका र निर्णायक मण्डललाई उत्कृष्ट १० विजेताहरु छान्नका हम्मे हम्मे परेको थियो भन्दै कम्पनीले निर्णायक मण्डलमा क्युएफएक्स सिनेमाका संस्थापक एवं चलचित्र उद्यमी नकिम उद्दीन, निर्देशक आसिफ शाह र पत्रकार विद्या चापागाईं रहेको जनाएको छ ।
यस प्रतियोगिताको मुख्य उदेश्य युवा प्रतिभालाई आफ्नो सिप र कौशल प्रस्तुत गर्ने प्लेटफर्म प्रदान गर्नु र बुवाको मुख हेर्ने दिन ग्राहकहरुका साथ सामाजिक सञ्जालमार्फत साझा गर्न मिल्ने सामग्रीहरु हेर्दै यो विशेष दिन मनाउनुरहेको एनसेलको भनाई छ । एक विशेष समारोहमाझ बुधबार साझ क्युएफएक्स सिनेमा लबिम मलमा उत्कृष्ट १० सर्ट फिल्महरुको प्रिमियर सो गरिएको थियो ।
कार्यक्रममा चलचित्रकर्मी, प्रतियोगिताका साझेदार सहभागी थिए । प्रतियोगितामा समावेश भएका र उत्कृष्ट १० मा पर्न सफल सर्ट फिल्महरुका कथाले रचनात्मक र भिन्नाभिन्नै शैलीमा बुवासँग सन्तानहरुका सम्बन्धका बारेमा चित्रण गरेका थिए ।
एनसेलले यी १० उत्कृष्ट सर्ट फिल्महरुलाई बुवाको मुख हेर्ने दिन आफ्नो सामाजिक सञ्जालहरुमार्फत सार्वजनिक गर्दैछ । कार्यक्रममा बोल्दै चर्चित कलाकार हरिवशं आचार्यले भने, “छोटो समयमा यसरी कथा भन्नु एउटा राम्रो खुबि हो । यसरी नै सिनेमा बनाउदै सिक्दै जाने माध्यम हो र आशा छ उहाँहरुलाई पछि ठूला–ठूला पर्दा देख्न पाउने छौं ।”
सोही कार्यक्रममा उत्कृष्ट सर्ट फिल्महरुको नाम सार्वजनिक गर्दै सहभागीहरुलाई आकर्षक पुरस्कार हस्तान्तरण गरिएको थियो । एनसेलका चिफ टेक्निकल अफिसर मोहम्मद अदिल ईसरारले उत्कृष्ट पहिलो, फस्ट रनर अप, सेकेण्ड रनर अपलाई पुरस्कार र अन्य दुई सर्ट फिल्मलाई पनि सान्त्वना पुरस्कार वितरण गरेका थिए ।
”कथा कति सशक्त छ र प्रस्तुति कत्तिको राम्रो तरीकाले गरिएको छ ? भनेर निर्णायक मण्डलले निर्णय गरेका थियौं । सबै एम्मेच्योरहरु भएकाले टेक्निकालिटिज्मात्यति धेरै ध्यानदिएनांै,” निर्णायक मण्डलका सदस्यमध्ये एक शाहले भने ।
कमल सुबेदी र उनको समूहले बनाएको सर्ट फिल्म ‘बुवा’ ले पहिलो पुरस्कारस्वरुप रु १ लाख नगद पुरस्कार र समूहका तीन जनाले प्रत्येक महिना १२ महिनासम्म १० जिबी डेटा पाएका छन् । यसका साथै यो समूहले निर्देशक आसिफ शाहसँग सुटिङको बारेमा पनि सिक्ने मौका पाउनेछन् ।
त्यस्तै विशाल न्यौपाने र उनको समूहले बनाएको फिल्म ‘द ईण्ड अफ कल्चर’ले दोस्रो पुरस्कारस्वस्प रु ७५ हजार नगद पुरस्कार र समूहका तीन जनाले प्रत्येक महिना १२ महिनासम्म १० जिबी डेटा प्राप्त गरेकाछन् । द नेक्ट लेभल प्रोडक्सनको ‘वल्ड एजहोम’ले सेकेण्ड रनर अप बन्दै ५० हजार नगद पुरस्कार जित्नुका साथै समूहका तीन जनाले प्रत्येक महिना १२ महिनासम्म १० जिबी डेटा पाएका छन् ।
पहिलो पुरस्कार विजेता समुहका एक सदस्यनिश्चलकार्कीले उतm भिडियोको प्रस्तुतकथामाविगततीनवर्ष देखि कामगरिरहेको बताए र यस भिडियो मार्फत उनीहरुले छोराछोरीले आमाबुवालाई बुढेश कालमा बृद्घाश्रममा छोड्ने सामाजिक समस्यालाइदर्शाउनखोजेको बताए ।
राजा महर्जन ‘बुवा’ र राईजिङ स्टार नेपालको ‘ड्याड, सन एण्ड ल्यापटप’ले सान्त्वना पुरस्कार हात पारेका थिए । सान्त्वना पुरस्कार अन्तर्गत यी दुई सर्ट फिल्मले २५–२५ हजारका फिल्म निर्माण समूहका ३–३ जनाले १० जिबी एनसेल डेटा प्रत्येक महिना १२ महिनासम्म पाउनेछन् ।
