शुक्रबार ७ बैशाख, २०८१ | Friday Apr 19, 2024
काठमाडौँ । सामाजिक सुरक्षा कोषले लकडाउन अवधिभरको रकम योगदानकर्ताको नाममा तत्काल जम्मा गर्ने भएको छ ।
श्रमिकको तर्फबाट ११ प्रतिशत र रोजगारदाताको तर्फबाट २० प्रतिशत गरी जम्मा गर्नु पर्ने ३१ प्रतिशत रकम लकडाउन अवधिभरका लागि नेपाल सरकारले व्यहोर्ने व्यवस्था अनुसार बैशाख, जेठ र असार महिनाको लागि ८५ करोड २३ लाख ४० हजार रुपियाँ नेपाल सरकारबाट राहत स्वरुप प्राप्त भएको कोषले आज विज्ञप्ति प्रकाशित गरी जनाएको छ ।
साथै साउन महिनाको योगदान रकम समयमै जम्मा गर्न समेत कोषले अनुरोध गरेको छ ।
