उत्कृष्ट क्यामेरा क्षमता र आकर्षक डिजाईनको साथमा भिभोको प्रिमियम स्मार्टफोन भीट्वान्टी एसई नेपालमा

काठमाडौं । विश्वव्यापी स्मार्टफोन ब्राण्ड भिभोले आइतबार आफ्नो नयाँ भीट्वान्टी सिरिज अन्तर्गतको नयाँ स्मार्टफोन भिभो भीट्वान्टी एसई नेपाली बजारमा भित्राएको छ । 

ग्राहकहरुलाई थप विशेषताहरु प्रदान गर्ने प्रतिबद्धताका साथ भिभोले ल्याएको यस फोनले उत्कृष्ट क्यामेरा, आर्कषक डिजाईन र सशक्त प्रदर्शनी गर्ने जनाइएको छ । युवापुस्ता र फेशनलाई ध्यानमा राख्नेहरुलाई लक्षित गरि भिभो भीट्वान्टी एसई निर्माण गरिएको कम्पनीको भनाई छ । 

सुपर नाईट मोड र स्ुपर वाईड एन्गलको साथमा उत्कृष्ट क्यामेरा
भिभो भीट्वान्टी एसईमा रहेको ३२ एमपी सुपर नाइट सेल्फीले थोरै प्रकाश भएको अध्यारो स्थानमा पनि उत्कृष्ट तथा स्पष्ट विवरण रहेको तस्बिरहरु लिन सकिन्छ । यसमा सुपर नाइट सेल्फी, औरा स्क्रिन लाइट, मल्टि स्टाइल पोट्रेट, अफ फेस ब्यूटी, प्रोफेसनल पोट्रेज जस्ता मोडमा उत्कृष्ट तस्वीरहरु खिच्न सकिन्छ । 

यसमा रहेको ४८ एमपी अल ट्रिपलले फोटोग्राफीप्रेमीहरुलाई आफ्नो शक्तिशाली फिचरहरुको सहायताबाट लोभलाग्दो र स्पष्ट तस्बिरहरु लिन सक्षम बनाउँछ । दिनदेखि रात, ल्याण्डस्केपदेखि पोटे«ट सबैमा जिवन्त विवरणहरुका साथ तस्वीर कैद गर्न सकिने भिभो नेपालले आफ्नो प्रेस विज्ञप्तिमा उल्लेख गरेको छ । 

यसमा सुपर नाइट मोड, सुपर वाइड एङगल, सुपर माक्रो, अल्ट्रा स्टाबल भिडियो, भिडियो फेस ब्यूटी जस्ता मोडहरु रहेका छन् । 

भीट्वान्टी एसईले पातलो र आधुनिक डिजाईन, चमकदार र रुचीपूर्णका साथ लक्जरीलाई परिभाषित गर्दछ । हजारौं विकसित जीवनशैलीलाई एक साथ प्रभाव पार्ने यस स्मार्ट फोन ७.८३ मिमि स्लिक डिजाईन र थ्रीडि बडीले अन्य उपकरण भन्दा पृथक देख्न सकिन्छ । यो उपकरण हलुका हुनाले हत्केलाले आरामसँग समात्न सकिने कम्पनीको भनाई छ । यसको थ्रिडि बडी उच्चपोलिमर जस्ता सामग्रीले निर्माण गरेको हुनाले आनन्ददायी, स्मुथ तथा प्रिमियम गुणस्तरको आभास हुन्छ ।   

मानिसको रुची र शैलीले गर्दा भीट्वान्टी एसई दुई उत्कृष्ट कलर ग्रयाभिटी ब्लयाक र अक्सिजन ब्लुमा आएको जनाइएको छ । यसमा फेसनको तत्वहरुलाई मिश्रित गरी एक सुव्यवस्थित आधुनिक प्रविधिलाई समाबेसीकरण गरिएको भिभोको भनाई छ ।  

यसमा रहेको ६.४४ इन्च (१६.३७ सेमि) १०८० पिक्सेल एमोलिड, हलो फुलभ्यू डिस्प्लेले गर्दा जीवनको वास्तविक रंग ल्याउँछ भन्दै कम्पनीले यसमा ९०.१२ प्रतिशत बडी र स्क्रिनको अनुपात रहेको, यसले समग्रमा १६ मिलियनभन्दा बढी चहकिलो, विश्वसनीय र गतिशिल रङ्गहरु प्रदर्शन गर्ने, डिस्प्लेको चमक अटोरुपमा समायोजित गरिएको, आँखाको लागि मृदु रहेको र अधिकरुपमा सबै कुरा हेर्न सकिने रहेको जानकारी दिएको छ । 

यसमा अनलक गर्नको लागि भिभोको एड्भान्स टेक्नोलोजी रहेको छ । डिस्प्लेमा थोरै स्पर्श गर्दा पनि सजिलै अनलक हुन्छ । सुन्दर एनिमेशनको दायरालाई फराकिलो बनाउन अन्वेषणको थप विकल्पहरु प्रदान गर्ने भन्दै भिभोले भीट्वान्टी एसई एक प्रिमियम फ्लागशिप उपकरण भएको दावी गरेको छ । 

परिवर्तित वातावरणलाई ध्यानमा राखेर केही सुविधाहरु होसियारीका साथ प्रयोगमा ल्याईएको कम्पनीको भनाई छ । भीट्वान्टी एसई कालकाँम स्नेप ड्रैगन टिएम ६६५ प्रोसेसरद्धारा संचालित रहेको र यसमा रहेको ८ जिबी ¥याम र १२८ जीबी रोमले गर्दा एप्लिकेशन र गेमहरु उत्कृष्टरुपमा प्रदर्शन गर्न सकिने जनाएको छ । 

भीट्वान्टी एसईमा ४१०० एमएच व्याट्रिद्धारा ३३ वा फ्ल्यासचार्जको साथ समर्पित छ । कडा व्याट्रि र फ्ल्यासचार्ज समर्थनको साथ प्रयोगकर्ताहरुले अधिक सुविधाजनक मोवाईलको अनुभव लिन सक्दछन् । आफैलाई विभिन्न परिदृष्यहरुमा रेकर्ड गर्न सक्दछन् । भिभोको उन्नत ३३ वाट फ्ल्यासचार्ज टेक्नोलोजी अहिले ५० प्रतिशतले छिटो छ भने आठ सुरक्षाको साथ आउदैछ । मात्र ३० मिनेटमा ६२ प्रतिशत रिचार्ज हुने तथा एक घण्टा भन्दा कम समयमा फुल चार्जको मज्जा लिन सकिने जनाइएको छ ।  

यसमा मल्टी टर्बाे सुविधा टर्वाे टेक्नोलोजीको साथ अप्टिमाइज गरिएको छ । यसले भीट्वान्टी एसइको समग्र प्रदर्शन बढाउँदछ ।  भिभो बहु टर्बाे सफ्टवेयर र हार्डवेयर अप्टिमेट गर्न प्रणालीस्तरमा काम गर्दछ । विस्तारित गती, दक्षता र रणनीति प्रदान गर्दै यसमा एआई टर्बाे, नेट टर्बाे , खेल टर्बाे, कुलिङ टर्बाे, सेन्टर टर्बाे र एआरटी ++ टर्बाे समाबेश गरिएको छ । 

यस फोनमा रहेको मेमोरी रिकलर सुविधाले प्रयोगकर्ताहरुलाई उनीहरुको पुरानो सम्झनाहरु पुनः प्राप्त गर्न सहज बनाउँछ । यसमा उल्लेखनीय सुविधाले तुरुन्त धमिलो पुरानो फोटोहरुमा स्पष्टता पुनस्थापित गर्दछ  र स्मार्ट कलरिङ उपकरणको सहायताले कायाकल्प गराउने भिभोको भनाई छ । नेपालमा यसको मूल्य ३९ हजार ९९९ कायम गरिएको छ ।