बिहीबार ६ बैशाख, २०८१ | Thursday Apr 18, 2024
काठमाडौँ । सुनको मूल्य तिहार पछिका ३ दिन लगातार घटिरहेको छ । गत बुधबार प्रतितोला १ सय रुपियाँ, हिजो बिहीबार प्रतितोला ७ सय रुपियाँ र आज पुनः प्रतितोला ४ सय रुपियाँ घटेको नेपाल सुनचाँदी व्यवसायी महासंघले जनाएको छ ।
तिहार पछि बजार खुलेको तीन दिनमा सुन प्रतितोला १ हजार २ सय रुपियाँ घटेको हो ।
महासंघका अनुसार आजका लागि छापावाल सुनको मूल्य प्रतितोला ९४ हजार रुपियाँ, तेजाबी सुनको मूल्य प्रतितोला ९३ हजार ५ सय रुपियाँ र चाँदीको मूल्य प्रतितोला १ हजार २ सय १० रुपियाँ निर्धारण गरिएको छ ।
हिजो भने छापावाल सुन प्रतितोला ९४ हजार ४ सय रुपियाँ, तेजाबी सुन प्रतितोला ९३ हजार ९ सय रुपियाँ र चाँदी प्रतितोला १ हजार २ सय १५ रुपियाँमा कारोबार भएको थियो ।
यसैगरी तिहार पछि बजार खुलेको पहिलो दिन बुधबार छापावाल सुन प्रतितोला ९५ हजार १ सय रुपियाँ, तेजाबी सुन प्रतितोला ९४ हजार ६ सय रुपियाँ र चाँदी प्रतितोला १ हजार २ सय ३० रुपियाँमा किनबेच भएको थियो ।
अन्तर्राष्ट्रिय बजारमा लगातार सुनको मूल्य ओरालो लाग्न थालेकाले त्यसैको प्रभाव नेपाली बजारमा देखिएको महासंघले जनाएको छ ।
