मिर्मिरे लघुवित्तको नाफा ८८.७७ प्रतिशतले बढ्यो

Advertisement

काठमाडौं ।  मिर्मिरे लघुवित्त वित्तीय संस्थाले चालु आर्थिक वर्षको दोस्रो त्रैमासमा खुद नाफा ८८.७७ प्रतिशतले बढाउन सफल भएको छ ।
 
लघुवित्तले यस त्रैमासम्म ७ करोड ५१ लाख ४१ हजार रुपैयाँ नाफा कमाएको छ । अघिल्लो वर्ष कम्पनीले ३ करोड ९८ लाख ४ हजार रुपैयाँ नाफा कमाएको थियो ।
 
यता,कम्पनीको खुद ब्याज आम्दानी र सञ्चालन नाफा क्रमशः ७३.१८ प्रतिशत  र १२०.८६ प्रतिशत बढेको छ ।
 
अघिल्लो वर्ष १० करोड ३५ लाख रुपैयाँ खुद ब्याज आम्दानी गरेको कम्पनीले यो त्रैमासमा बढाएर १७ करोड ९२ लाख रुपैयाँ पुर्याएको हो । 
गत वर्षको यसै अवधिमा सञ्चालन नाफा ५ करोड ४० लाख रुपैयाँबाट रहेको सञ्चालन नाफा यस यो त्रैमासमा बढाएर ११ करोड ९२ लाख पुर्याउन सफल भएको हो । 

पुससम्म कम्पनीले  १ अर्ब ६७ करोड रुपैयाँ निक्षेप संकलन गरेको छ । यता,  कम्पनीले ५ अर्ब ४६ करोड रुपैयाँ कर्जा लगानी गरेको छ । अघिल्लो वर्ष कम्पनीले ९१ करोड ३२ लाख रुपैयाँ मात्र निक्षेप संकलन गर्दा २ अर्ब ५२ करोड २० लाख रुपैयाँ कर्जा लगानी गरेको थियो । 

Advertisement

गत वर्षको तुलनामा चुक्त पुँजी २०९.५३ प्रतिशले बढेर ३९ करोड ८६ लाख २६ हजार रुपैयाँ पुगेको छ । तर रिपोर्टमा चालु आवको पहिलो त्रैमासको तुलनामा भने दोस्रो त्रैमासमा पुँजी कम भएको देखिन्छ । 

पहिलो त्रैमासको  रिपोर्टमा निष्कासन हुन बाँकी रहेको ३७ लाख २६ हजार रुपैयाँ एफपीओ रकम पनि पुँजीमा समावेश हुन गएकाले अहिले त्यो घटाइएको कम्पनीले स्पष्ट पारेको छ । हाल मिर्मिरेको रिजर्भ कोषमा २० करोड ५४ लाख रुपैयाँ छ ।
 
यसको खराब कर्जा १.४८ प्रतिशतबाट बढेर २.८० प्रतिशत  भएको छ । प्रतिसेयर आम्दानी ३७ रुपैयाँ ९४ पैसा रहेको यस कम्पनीको प्रतिसेयर नेटवर्थ १५१ रुपैयाँ ५५ पैसा छ ।


 

Advertisement

Advertisement