अदालत वा आयोगबाट निर्देशन आए ट्रंक लाइनको महशुल छुट दिने निर्णय

Advertisement

काठमाडौं । नेपाल विद्युत् प्राधिकरणले डेडिकेटेड फिडर र ट्रंक लाइनबापतको सबै विद्युत् महसुल उठाउने निर्णय गरेको छ । प्राधिकरणले डेडिकेटेड फिडर र ट्रंक लाइनबापतको विद्युतको महशुल निर्धारण गरेदेखि २०७७ वैशाख मसान्तसम्मको सबै बक्यौता उठाउने निर्णय गरेको हो ।

प्राधिकरणको केही समयअघि भएको सञ्चालक समितिको बैठकले यस्तो निर्णय गरेको हो । सञ्चालक समितिका एक सदस्यले डेडिकेटड फिडर र ट्रंकलाइन बापतको सम्पूर्ण महसुल नियमअनुसार असुल गर्ने निर्णय भएको जानकारी दिए ।

Advertisement

यद्यपि यो निर्णय सार्वजनिक भने गरिएको छैन । सञ्चालक समितिले निर्णय गरे पनि माइन्यूटमा अझै केही सञ्चालक सदस्यहरूको हस्ताक्षर हुन बाँकी छ । बाँकी रहेका सदस्यहरूको हस्ताक्षर भएपछि उक्त निर्णय कार्यान्वयनको प्रक्रियामा अगाडि बढ्ने स्रोतको भनाइ छ ।

तर, निकट भविष्यमा अदालत तथा विद्युत् नियमन आयोगबाट त्यस्तो महसुल छूट गर्न तथा समायोजन गर्न आदेश दिएमा भने समायोजन गरिने पनि प्राधिकरणको निर्णय छ । साथै, उद्योगीले उक्त महसुल भुक्तानी गर्न किस्ता माग गरेमा त्यसको पनि व्यवस्था गर्ने निर्णय भएको स्रोतको भनाइ छ ।

आर्थिक अभियान दैनिकबाट ।

Advertisement

Advertisement