काठमाडौँ । नेपाल स्टक एक्सचेञ्ज लिमिटेड(नेप्से) मा ११ लाख ६० हजार ४ सय ४६.९७ कित्ता बोनस शेयर सूचीकृत भएको छ । एक फाइनान्स कम्पनी र एक लघुवित्त कम्पनीको उक्त बोनस शेयर आज नेप्सेमा सूचीकृत भएको छ ।
यसैक्रममा आईसीएफसी फाइनान्सले शेयरधनीहरुलाई प्रदान गरेको १०.५० प्रतिशत बोनस बापत ९ लाख ७७ हजार ६ सय ३८ कित्ता शेयर नेप्सेमा सूचीकृत भएको हो ।
त्यसैगरी स्पर्श लघुवित्त वित्तीय संस्थाले शेयरधनीहरुलाई प्रदान गरेको १९.५० प्रतिशत बोनस बापतको १ लाख ८२ हजार ८ सय ८.९७ कित्ता शेयर पनि आजै सूचीकृत भएको नेप्सेले जनाएको छ ।