शुक्रबार ७ बैशाख, २०८१ | Friday Apr 19, 2024
काठमाडौं । अन्तःशुल्क स्टीकर छपाइको जिम्मा विदेशी कम्पनीलाई दिने गरी आन्तरिक राजस्व विभागले बोलपत्र आह्वान गरेको महीनौं बिते पनि त्यसविरुद्ध सर्वोच्च अदालतमा परेको मुद्दा किनारा लाग्न नसक्दा प्रक्रिया नै रोकिएको छ ।
बोलपत्र आह्वानपछि छपाइको जिम्मा लिन फ्रान्स, इटलीलगायत मुलुकका कम्पनीहरू सरिक भए पनि अहिले ती कम्पनीको मूल्यांकन हुन सकेको छैन ।
आन्तरिक राजस्व विभाग अन्तःशुल्क तथा अनुसन्धान महाशाखा प्रमुख एवं उपमहानिर्देशक शिवादेवी दाहालका अनुसार सरकारले चाहेअनुसार स्टीकर छपाइ हुन नसक्दा माग धान्न धौधौ परिरहेको छ ।
‘टेन्डर आह्वानपछि इच्छुक कम्पनीहरू आएका छन् तर सर्वोच्चमा परेको मुद्दा नटुंगिएका कारण प्रक्रिया नै रोक्नुपरेको छ,’ दाहालले भनिन् ।
आर्थिक अभियान दैनिकबाट ।
