बुधबार १२ बैशाख, २०८१ | Wednesday Apr 24, 2024
काठमाडौँ । बाराको सिमरास्थित जगदम्बा स्टिल उद्योगमा गए राति आगलागी हुँदा दुई मजदुरको मृत्यू भएको छ । घटनामा चार मजदुर घाइते भएका छन् । मृत्यू हुनेमा भारतको बिहारस्थित पश्चिम चम्पारण घर भएका ४० वर्षिय प्रदिप गौढ र बिहारकै सिवान जिल्लाका ४५ वर्षिय रामनाथ महतो रहेको प्रहरीले जनाएको छ ।
राजकुमार विक, इन्द्रप्रसाद अधिकारी, नवराज चौलागाई र अवधेस कुसवाहा घाइते भएका छन् । उनीहरुको सिमरास्थित तराइ अस्पतालमा उपचार भइरहेकोमा गम्भीर अवस्था रहेका विकलाई वीरगञ्जको नारायणी वयोधा अस्पतालमा रिफर गरिएको छ ।
उद्योगमा रहेको फर्निस आयलको ट्याङ्कीमाथि वेल्डिङ गर्ने क्रममा राति साढे ७ बजे आगलागी भएको हो । दुईवटा दमकलले एक घण्टा लगाएर आगो नियन्त्रणमा लिएको पर्सा प्रहरीले जनाएको छ ।
